كل سؤال بتفكر فيه، هتلاقي ليه إجابة واضحة هنا.
محتاج إيه عشان أبدأ معاكم؟.
محتاج تقولنا:
عايز توصل لإيه؟ ( أهدافك خلال 3 شهور)
رينج البادجيت اللي حاططها للماركتينج والإعلانات ؟
واحنا هندرس البراند بتاعك والسوق والمنافسين بشكل عميق جدا بناء عليه هنحط خطة تسويقية تناسب إمكانياتك والأهداف اللي عايز توصلها.
الخطة هتكون جاهزة ولا معمولة مخصوص ليا؟
لازم تبقى مخصوص ليك.
إحنا مش بنشتغل بباكدجات جاهزة، كل براند ليه Strategy متفصلة على مقاسه.
هتجيبولي مبيعات قد إيه؟
المبيعات ليها عوامل كتير زي: قوة المنتج، المنافسة، سلوك العميل
بس إحنا بنشتغل معاك بخطة فيها KPIs واضحة، عشان كل جنيه تصرفه يرجعلك بعائد مادي ممتاز .
إمتى هبدأ أشوف نتائج؟
النتايج بتبدأ تظهر بشكل تدريجي
بس فيه حاجات زي التفاعل والريتش بتظهر بسرعة،
لكن المبيعات بتحتاج وقت لوضع الأساسات صح.
وفي بعض المجالات المبيعات بتحرك فيها بسرعة وايضا بتختلف من حجم بيزنس لتاني علي السوشيال ميديا
إيه الخدمات اللي Your path بتقدمها؟
- خدمة البراندينج
- خطة تسويق كاملة
- إدارة المحتوى والسوشيال ميديا
- إدارة الحملات الإعلانية
- تصميم المواقع وصفحات الهبوط
البادجيت لازم تكون قد إيه؟
تحديد البادجيت بيعتمد على حاجتين
• إيه الأهداف اللي عايز توصلها ؟
•إمكانياتك ووضعك الحالي إيه ؟
مهم تكون حاطط هدف واقعي ومناسب للبادجيت واحنا هنساعدك تختار الصح لو مش عارف
هل الأسعار شاملة الإعلانات؟
لأ، تكلفة الإعلانات نفسها (Budget الفيسبوك أو انستا أو تيك توك) بتكون منفصلة
هتابع مع مين؟
في Your Path احنا بنشتغل كفريق واحد،
بس دايمًا هتلاقي حد مننا متابع معاك خطوة بخطوة وبيجاوبك في أي وقت وكمان عندنا
نظام متابعة واضح:
تقارير دورية (أسبوعية أو شهرية).
Calls دورية لمراجعة الأداء.
Dashboard أو جداول بتوضح الأرقام والنتائج.
إيه اللي يميزكم عن أي Agency تانية؟
إحنا على عكس أغلب الايجنسنز اللي في السوق، لأننا مش بنبيع مجرد خدمات إحنا بنشتغل معاك كشركاء نجاح،
بنعتبر مشروعك كأنه مشروعنا، وبنحط خطة واضحة مخصصة ليك أنت وبس بناءً على الأهداف اللي عايز توصلها، مش مجرد باكدج جاهزة عشان نساعدك فعلاً توصل لنتائج ملموسة
هل في حد أدنى للتعاقد أو لإدارة السوشيال ميديا؟
أيوه، فيه حد أدنى للتعاقد
لأن إدارة السوشيال ميديا مش مجرد بوستات شكلها حلو ، دي منظومة كاملة بتبدأ بخطة مدروسة، محتوى مبنى على Kpis، تصميم احترافي يعكس هوية البراند وشخصيته، وتحليل مستمر علشان تحقق نتائج ملموسة.
في Your Path، بنبني استراتيجية كاملة تساعدك توصل لهدفك، مش بنشتغل بشكل عشوائي أو بباكدجات وخطة جاهزة.
الحد الأدنى بيبدأ من باكدج متكاملة، وده بيتحدد بعد ما ندرس السوق كويس ونفهم أهدافك ونرسم خطة تسويقية مناسبة ليك.
لكن بشكل مبدئي، إدارة السوشيال ميديا بتبدأ من 9000 جنيه شهريًا
هل بتقبلوا أي مشروع؟
- الحقيقة لا، مش المشاريع جديدة معندناش خبرة فيها
إحنا بنقبل فقط المشاريع بنفهم فيها واللي بتقدم قيمة حقيقة للعميل سواء خدمة أو منتج كويس وكمان عندها هدف ورؤية واضحة ومستعدة تستثمر في إنها توصله، كمان بنفضل أكتر المشاريع اللي لينا خبرة فيها عشان نساعدك تحقق أفضل نتائج.
هل فعلاً في ضمان على النتائج؟
أيوه، في ضمان Your Path، وده لأننا واثقين في شغلنا وقدرتنا نحقق نتائج حقيقية.
قبل ما نبدأ، بنعمل مرحلة تحليل واختبار للأرقام (Testing) علشان نحدد الوضع الحالي للمشروع بدقة.
بعدها بنكتب الأهداف المتفق عليها بشكل واضح ومكتوب.
ولو بعد التنفيذ والمتابعة ما وصلناش لـ 70% من النتائج المحددة، Your Path بتلتزم بدفع 10,000 جنيه تعويض.
الضمان بشروط عادلة وواضحة:
الأهداف بتتحدد بعد مرحلة التستينج، والعميل يلتزم بتنفيذ الخطة كاملة ومتابعة الخطوات المتفق عليها.
الهدف من الضمان مش الدعاية، لكن التأكيد إننا بنشتغل بثقة، بخطة، وبمسؤولية حقيقية تجاه كل مشروع بنستلمه.
الصـــدق
Honesty
الشفافيــــة
Transparency
النمـــــــــو
Growth
الطمـــــــــــوح
Ambition
كل بيزنس ناجح بدأ بخطوات صغيرة محسوبة ... ودي فرصتك تشتغل صح مع Your Path.